عظمیٰ ویب ڈیسک

کشتواڑ// فوج کی شمالی کمان کے کمانڈر، لیفٹیننٹ جنرل اوپیندر دیویدی نے اننت ناگ کے کوکرناگ جنگلاتی علاقے میں جاری آپریشن کا جائزہ لیا۔ انہوں نے تصادم کے مقام کا دورہ کر کے فوجی افسران سے تبادلہ خیال کیا۔

بتا دیں کہ اس آپریشن میں سیکورٹی صورتحال کو یقینی بنانے کے لیے جدید ترین ٹیکنالوجی اور درست فائر پاور کا استعمال کیا جا رہا ہے۔

آپریشنل تیاریوں کے جائزہ کے دوران، لیفٹیننٹ جنرل دویدی نے کئی روز سے جاری آپریشن کے بارے میں زمینی سطح پر موجود کمانڈروں سے جانکاری حاصل کی۔

اسی دوران انہوں نے کہا کہ فوج خطے میں مضبوط اور موثر پکڑ کو برقرار رکھنے کے لیے جدید تکنیکوں کا استعمال جاری رکھے ہوئے ہے۔

بتا دیں کہ اننت ناگ ضلع کے کوکرناگ علاقے میں گزشتہ کچھ روز سے ایک تصادم جاری ہے جس دوران دو فوجی افسران، ایک اہلکار اور ایک پولیس افسر اپنی جانیں گنوا چکے ہیں۔

دفاعی ذرائع نے بتایا کہ علاقے میں آپریشن چوتھے روز بھی جاری ہے اور بڑے پیمانے پر تلاش کی جا رہی ہے۔ آپریشن کے دوران کواڈ کاپٹر، ڈرون اور دیگر جدید تکنیکوں کا استعمال کیا جا رہا ہے۔