نئی دہلی//وزیر خزانہ نرملا سیتا رمن نے بدھ کے روز لوک سبھا میں 2023-24کا بجٹ پیش کرتے ہوئے کہا کہ امرت کال کے اس پہلے بجٹ کا مقصد ملکی معیشت کی بنیاد کو مزید مضبوط بنانا اور ترقیاتی اہداف کے فوائد کو سماج کے تمام طبقات تک پہنچانا ہے۔
سیتا رمن نے کہا کہ، “رواں مالی سال میں ہندوستان کی معیشت کی شرح نمو 7 فیصد رہنے کا تخمینہ ہے اور یہ دنیا کی سب سے تیزی سے ترقی کرنے والی بڑی معیشت ہے، آنے والے برسوں میں بھی ہم آگے رہیں گے۔”
انہوں نے کہا کہ عالمی معیشت میں سست روی کے باوجود ہندوستان میں معیشت نے طاقت دکھائی ہے اور اس سمت میں ہماری اصلاحات جاری رہیں گی۔ انہوں نے کہا کہ ہندوستان میں یو پی آئی شروع کیا گیا ہے، کوون ایپ، نیشن ہائیڈروجن مشن اور دنیا میں ماحول کے موافق طرز زندگی کے لیے لائف مشن شروع کیا گیا ہے، جس سے ہندوستان کی شبیہ بہتر ہونے والی ہے۔

مرکزی بجٹ 2023میں”نیو ٹیکس ریجیم” میں تبدیلی

نئے ٹیکس نظام میں 7 لاکھ روپے تک کی آمدنی پر انکم ٹیکس کی چھوٹ دی گئی ہے۔ وزیر خزانہ نرملا سیتا رمن نے اعلان کیا کہ نئے ٹیکس نظام میں 7 لاکھ روپے تک کی آمدنی پر انکم ٹیکس چھوٹ کو بڑھا دیا گیا ہے۔
نرملا سیتا رمن نے کہا کہ میں نے 2020 میں متعارف کرایا 6 انکم سلیب کے ساتھ ذاتی انکم ٹیکس کا نیا نظام کا آغاز 2.5 لاکھ روپے سے ہے۔ میں تجویز کرتی ہوں کہ اس نظام میں ٹیکس کے ڈھانچے کو سلیبوں کی تعداد کو کم کرکے 5 کر دیا جائے اور ٹیکس چھوٹ کی حد کو 3 لاکھ روپے تک بڑھایا جائے۔

• نئے ٹیکس نظام میں 7 لاکھ روپے تک کی آمدنی پر انکم ٹیکس کی چھوٹ
• تین لاکھ روپے سے زیادہ اور 5 لاکھ روپے تک کی آمدنی پر 5 فیصد ٹیکس لگے گا۔
•  نئے بجٹ کے تحت 6 لاکھ روپے اور 9 لاکھ روپے تک کی آمدنی پر 10 فیصد ٹیکس لگے گا۔
•  12 لاکھ روپے سے زیادہ اور 15 لاکھ روپے تک کی آمدنی پر 20 فیصد ٹیکس عائد کیا جائے گا۔
•  15 لاکھ روپے سے زیادہ کی آمدنی پر 30 فیصد ٹیکس عائد کیا جائے گا۔

وزیر خزانہ نرملا سیتا رمن نے اعلان کیا کہ نئے ٹیکس نظام میں 7 لاکھ روپے تک کی آمدنی پر انکم ٹیکس چھوٹ کو بڑھا دیا گیا ہے۔
نرملا سیتا رمن نے کہا کہ میں نے 2020 میں متعارف کرایا 6 انکم سلیب کے ساتھ ذاتی انکم ٹیکس کا نیا نظام کا آغاز 2.5 لاکھ روپے سے ہے۔ میں تجویز کرتی ہوں کہ اس نظام میں ٹیکس کے ڈھانچے کو سلیبوں کی تعداد کو کم کرکے 5 کر دیا جائے اور ٹیکس چھوٹ کی حد کو 3 لاکھ روپے تک بڑھایا جائے۔
وزیر خزانہ نرملا سیتارامن نے کہا کہ پردھان منتری غریب کلیان انا یوجنا کے تحت 2 لاکھ کروڑ روپے مرکزی حکومت کے ذریعے دیا جا رہا ہے۔ انتودیا اسکیم کے تحت غریبوں کو مفت اناج کی فراہمی میں ایک سال کی توسیع کی گئی ہے۔ انہوں نے مزید کہا کہ ہمارا اقتصادی ایجنڈا شہریوں کے لیے مواقع کی سہولت فراہم کرنے، ترقی کی رفتار اور روزگار کے مواقع پیدا کرنے اور میکرو اکنامک استحکام کو مضبوط بنانے پر مرکوز ہے۔

بجٹ میں کسانوں کے لیے ڈیجیٹل پبلک پلیٹ فارم شروع کرنے کا اعلان

وزیر خزانہ نرملا سیتا رمن نے بجٹ 2023-24 میں کسانوں کی سہولت کے لیے ڈیجیٹل پبلک اور انفراسٹرکچر پلیٹ فارم شروع کرنے کا اعلان کیا۔ سیتا رمن نے کہا کہ یہ پلیٹ فارم اوپن سورس پر مبنی ہوگا اور سب کے لیے جامع ہوگا۔ اس پر کاشتکاروں کو پودےکے تحفظ، زراعتی مواد اور مشاورت وغیرہ کی سہولیات حاصل کرنے میں آسانی ہوگی۔وزیر خزانہ نے ایگریکلچر اسٹارٹ اپ کی حوصلہ افزائی کے لیے علیحدہ خصوصی کورس تیار کرنے کا بھی اعلان کیا۔

وزیر خزانہ نرملا سیتا رمن نے اب تک بجٹ میں کیے یہ اعلانات

• اگلے 3 سالوں میں ایک کروڑ کسانوں کو قدرتی کھیتی کو اپنانے میں مدد کی جائے گی۔ 10,000 بائیو ان پٹ ریسورس سینٹر کھولے جائیں گے۔
• متبادل کھاد کو فروغ دینے کے لیے پی ایم پرنام یوجنا شروع کی جائے گی
• گوبردھن اسکیم کے تحت 500 نئے پلانٹ لگائے جائیں گے۔
• پردھان منتری کوشل وکاس یوجنا 4.0 شروع کی جائے گی۔
• نوجوانوں کو بین الاقوامی مواقع کے لیے ہنر مند بنانے کے لیے 30 اسکل انڈیا نیشنل سیکٹر کھولے جائیں گے۔

بچوں اور نوعمروں کے لیے قومی ڈیجیٹل لائبریری قائم کی جائے گی۔

• زرعی قرضہ جات کا ہدف 20 لاکھ کروڑ روپے تک بڑھایا جائے گا جس میں مویشی پالنے، ڈیری اور ماہی پروری پر توجہ دی جائے گی۔
• ہندوستان کو عالمی فوڈ ہب بنانے کے لیے حیدرآباد میں مرکز جسے شری ان کیندر بھی کہا جا سکتا ہے، کو ایک بہترین مرکز بنایا جائے گا۔
• زراعت میں اسٹارٹ اپ کو فروغ دیا جائے گا، اسٹارٹ اپس کے لیے ایگریکلچر فنڈ بنایا جائے گا۔ ایگریکلچر ایکسلریٹر فنڈ بنایا جائے گا۔
• باغبانی کی سکیموں کے لیے 2200 کروڑ روپے دیئے جائیں گے۔
• 2014 سے قائم 157 میڈیکل کالجوں میں 157 نئے نرسنگ کالج قائم کیے جائیں گے۔

بجٹ روزگار کے مواقع اور معاشی استحکام پر مرکوز

وزیر خزانہ نرملا سیتا رمن نے مالی سال 2023-24 کے مرکزی بجٹ کو امرت کال کا پہلا بجٹ قرار دیتے ہوئے آج کہا کہ یہ شہریوں کی بہتری کے مواقع ،روزگار کے مواقع فراہم کرے گا اور اس سے ہندوستانی معیشت مستحکم ہوگی۔
محترمہ سیتا رمن نے آج پارلیمنٹ میں اگلے مالی سال کا عام بجٹ پیش کرتے ہوئے کہا کہ اقتصادی ایجنڈے کے مرکز میں شہریوں کو ترقی اور بہتری کے مواقع فراہم کرنا، روزگار پیدا کرنا اور ہندوستانی معیشت کو مضبوط بنانا ہے۔ انہوں نے کہا کہ امرت کال میں خواتین کو معاشی طور پر بااختیار بنا کر ان مقاصد کو حاصل کیا جا سکتا ہے۔
وزیر خزانہ نے کہا کہ ہندوستانی معیشت گزشتہ نوبرسوں میں دنیا میں دسویں پوزیشن سے پانچویں مقام پر پہنچ گئی ہے۔ ہندوستان نے چہار رخی ترقیاتی اہداف کو حاصل کرنے کی سمت میں اہم پیش رفت کی ہے۔ معیشت تیزرفتار ترقی کر رہی ہے۔ اسکیموں کو موثر انداز میں نافذ کیا جارہا ہے جس کے نتیجے میں مجموعی ترقی ہوئی ہے۔
محترمہ سیتارمن نے کہا کہ امرتکال کے اس پہلے بجٹ کا مقصد ہندوستانی معیشت کی بنیاد کو مزید مضبوط کرنا اور ترقی کے اہداف کے فوائد کو سماج کے تمام طبقات تک پہنچانا ہے۔
وزیرخزانہ نے کہا “موجودہ مالی سال میں ہندوستان کی معیشت کی شرح نمو 7 فیصد رہنے کا تخمینہ ہے اور یہ دنیا کی سب سے تیزرفتار ترقی کرنے والی بڑی معیشت ہے اور ہم آنے والے برسوں میں بھی آگے بڑھیں گے۔” انہوں نے کہا کہ دنیا نے ہندوستان کی معیشت کی اہمیت کو تسلیم کیا ہے۔ عالمی معیشت میں کسادبازاری کے باوجود ہندوستان نے طاقت کا مظاہرہ کیا، ہماری اصلاحات بدستور جاری رہیں گی۔ انہوں نے کہا کہ دنیا میں ماحول دوست طرز زندگی کے لیے ہندوستان میں شروع کیے گئے یو پی آئی، کوون ایپ، نیشنل ہائیڈروجن مشن اور لائف مشن ہندوستان کی شبیہ کو بہتر کرنے والے ہیں۔
محترمہ سیتا رمن نے کہا کہ ریاستوں کے لیے 50 سال کے بلاسودی قرض کی سہولت میں ایک سال کی توسیع کردی گئی ہے۔ سرکاری پروگراموں اور پبلک پرائیویٹ پارٹنرشپ کے تحت ریاستوں کی فعال شرکت مشن موڈ پر ہے۔ انہوں نے کہا کہ فی کس آمدنی دگنی سے زیادہ ہو کر 1.97 لاکھ روپے ہو گئی ہے۔ کمزور قبائلی برادریوں کی فلاح و بہبود کے لیے وزیراعظم کا مشن شروع کیا جائے گا۔ پردھان منتری آواس یوجنا کے لیے مختص بجٹ میں 66 فیصد اضافہ کے ساتھ 79 ہزار کروڑ روپے مختص کیے گئے ہیں۔
وزیرخزانہ نے کہا کہ بچوں کے لیے نیشنل ڈیجیٹل لائبریری قائم کی جائے گی۔ زرعی شعبے کے لیے 20 لاکھ کروڑ روپے کے قرض کی فراہمی ک انتظام کیا گیا ہے۔ مرکزی حکومت پردھان منتری غریب کلیان انا یوجنا کے تحت دو لاکھ کروڑ روپے برداشت کرے گی۔ سرکاری زرعی شعبے کے لیے اوپن سورس پر مبنی ڈیجیٹل پبلک انفراسٹرکچر پلیٹ فارم بنائے جائیں گے۔ ایگریکلچر اسٹارٹ اپس کے لیے خصوصی فنڈ ہوگا۔

وزیر اعظم رہائش سکیم کے لئے فنڈ میں اضافہ کیا جائے گا

نرملا سیتا رمن کہا کہ طبی سہولیات پر خصوصی توجہ دی جائے گی اس کے ساتھ قبائلی لوگوں کی ترقی پر خصوصی توجہ دی جائے گی، ملک میں 157 نرسنگ کالج قائم کئے جائیں گے، وزیر اعظم رہائش اسکیم کے لئے فنڈ میں اضافہ کیا جائے گا۔

زراعت کے شعبے کے لیے 20 لاکھ کروڑ روپے کے انتظام کے تحت مویشی پروری کی خصوصی اہمیت: سیتا رمن
نرملا سیتا رمن نے اپنی بجٹ تقریر میں کہا کہ زراعت کے شعبے کے لیے 20 لاکھ کروڑ روپے کے انتظام کے تحت مویشی پروری کی خصوصی اہمیت دی جائے گی۔

امرت کال کا پہلا بجٹ

نئی دہلی: وزیر خزانہ نرملا سیتا رمن نے آج مالی سال 2023-24 کا بجٹ پیش کرتے ہوئے اسے امرت کال کا پہلا بجٹ قرار دیا اور کہا کہ یہ مجموعی ترقی کا بجٹ ہے، جس کے نتائج تمام ہم وطنوں تک پہنچانے کی کوشش ہے۔ یہاں لوک سبھا میں بجٹ تقریر کا آغاز کرتے ہوئے سیتا رمن نے کہا کہ رواں مالی سال میں ترقی کی شرح سات فیصد رہنے کی امید ہے۔ عالمی اقتصادی سست روی کے باوجود ہندوستان دنیا کی سب سے تیزی سے ترقی کرنے والی معیشت ہے۔

 

ملک کا بجٹ پیش کرتے ہوئے وزیر خزانہ نے کہا کہ مرکزی حکومت پردھان منتری غریب کلیان اَن یوجنا کے تحت 2 لاکھ کروڑ روپے برداشت کر رہی ہے۔ انتودیہ اسکیم کے تحت غریبوں کو مفت اناج کی فراہمی میں ایک سال کی توسیع کی گئی ہے۔

مرکزی کابینہ نے عام بجٹ کو دی منظوری

نئی دہلی: مرکزی کابینہ نے سال 2023-24 کے عام بجٹ کو بدھ کے روز اپنی میٹنگ میں منظوری دے دی۔ بجٹ پیش کئے جانے سے پہلے یہاں پارلیمنٹ ہاؤس میں وزیر اعظم نریندر مودی کی صدارت میں مرکزی کابینہ کی میٹنگ ہوئی۔ میٹنگ میں سال 2023-24 کے لیے لوک سبھا میں پیش کیے جانے والے عام بجٹ کو منظوری دی گئی۔ اس سے پہلے وزیر خزانہ نرملا سیتا رمن راشٹرپتی بھون گئیں اور صدر دروپدی مرمو سے ملاقات کی۔ دریں اثناء بجٹ کی کاپیاں سکیورٹی انتظامات کے درمیان پارلیمنٹ ہاؤس پہنچ گئی ہیں۔

ملک کا عام بجٹ آج پیش کیا جائے گا۔ چھتیس گڑھ کو بھی بجٹ سے بہت امیدیں ہیں۔ چھتیس گڑھ کے وزیر اعلی بھوپیش بگھیل نے کہا کہ عوامی مطالبہ ہے کہ جگدل پور اور سرگوجا علاقوں میں نئی ​​ٹرینیں چلائی جائیں۔ پہلے ریل بجٹ ہوا کرتا تھا، لیکن اب الگ سے ایسا کوئی اعلان نہیں کیا جاتا۔ ہم نے مطالبہ کیا ہے کہ ریاست کو جی ایس ٹی، سنٹرل ایکسائز دیا جائے۔

 

بجٹ میں باجرے کو فروغ دینے کا اعلان

وزیر خزانہ سیتا رمن نے ملک میں باجرہ (جوار اور موٹے اناج) کی پیداوار کی حوصلہ افزائی کے لیے حیدرآباد میں واقع انڈین ملیٹس ریسرچ انسٹی ٹیوٹ کو مرکزی امداد بڑھانے اور اسے سنٹر آف ایکسیلنس کا درجہ دینے کا اعلان کیا ہے۔ .
بدھ کو لوک سبھا میں 2023-24 کا عام بجٹ پیش کرتے ہوئے وزیرخزانہ سیتا رمن نے کہا کہ ہندوستان باجرہ (ملیٹس) کا دوسرا سب سے بڑا پروڈیوسر اور برآمد کنندہ ہے۔ ہندوستان کو اناج کا عالمی مرکز بنانے کے لیے حیدرآباد میں مقیم انڈین ملیٹس ریسرچ کو ایک مرکز کے طور پر فروغ دیا جائے گا۔ تاکہ وہ بین الاقوامی سطح پر اس شعبے میں بہترین طریقوں کا اشتراک کر سکے۔
قابل ذکر ہے کہ ہندوستان کی کوششوں سے اقوام متحدہ نے 2023 کو باجرے کے بین الاقوامی سال کے طور پر منانے کا اعلان کیا ہے۔ موٹے اناج کو جدید خوراک سمجھا جاتا ہے کیونکہ ان کی کاشت بنیادی طور پر نامیاتی طور پر کی جاتی ہے، ان میں غذائیت والے عناصر وافر مقدار میں پائے جاتے ہیں۔
وزیر اعظم نریندر مودی نے باجرے کے سال میں باجرے کی کاشت اور استعمال کو ایک عوامی تحریک بنانے پر زور دیا ہے۔ ہندوستان میں باجرے کے زمرے میں آنے والے موٹے اناج میں جوار، راگی، باجرہ، کٹکی، کودو، کٹو اور چولائی وغیرہ شامل ہیں۔ ہندوستان سالانہ 17 ملین ٹن موٹے اناج کی پید کرتا ہے۔