عظمیٰ ویب ڈیسک

سری نگر// جموں و کشمیر کی گرمائی راجدھانی سری نگر میں پولیس نے دو نوجوانوں کو مبینہ طور پر لڑکیوں پر نازیبا تبصرے کرنے کے الزام میں گرفتار کیا ہے۔
پولیس ترجمان نے بتایا کہ لڑکیوں کے ساتھ چھیڑ چھاڑ کرنے والے دو نوجوانوں کو “کچھ لڑکیوں” کی جانب سے شکایت ملنے کے بعد حراست میں لیا گیا ہے۔
اُنہوں نے بتایا،”کچھ لڑکیوں نے شکایت درج کرائی تھی کہ بمنہ-بٹہ مالو روڈ پر سفر کرنے کے دوران کچھ نوجوانوں نے ان پر فحش تبصرے کر رہے ہیں، جس کے بعد پولیس نے فوری کاروائی کرتے ہوئے دونوں کو حراست میں لے لیا”۔
گرفتار نوجوانوں کی شناخت جن کی شناخت سیف اللہ ولد شمیم خشو اور رقیب حافظ ولد اعجاز حافظ کے طور پر کی گئی ہے، دونوں نٹی پورہ کے رہائشی ہیں۔
اُنہوں نے بتایا کہ انہیں سی آر پی سی کے دفعات کے تحت حراست میں لیا گیاہے اور ان کی گاڑی بھی ضبط کر لی گئی ہے۔