سرینگر// انسداد بدعنوانی بیورو (ACB) نے جمعہ کو سرینگر سمارٹ سٹی لمیٹڈ (SSCL) کے دو افسران کے خلاف غیر متناسب اثاثوں کے الزام میں مقدمہ درج کرنے کا اعلان کیا۔
اے سی بی کے افسران نے ایک پریس کانفرنس میں بتایا کہ دونوں افسران، جن میں ساجد یوسف بھٹ، چیف فنانشل آفیسر اور ظہور احمد دار، ایگزیکٹو انجینئر SSCL شامل ہیں، کے خلاف غیر متناسب اثاثوں کے الزامات میں مقدمہ درج کیا گیا ہے۔
اے سی بی نے کہا کہ اس معاملے میں 7 مقامات پر تلاشی لی گئی۔ دونوں افسران نے اپنے قانونی آمدنی سے کہیں زیادہ اثاثے حاصل کیے ہیں۔ مزید تفصیلات تحقیقات اور تلاشی کے مکمل ہونے کے بعد فراہم کی جائیں گی۔
اے سی بی نے مزید افسران کے ملوث ہونے کے سوال پر کہا کہ اس وقت تحقیقات جاری ہیں اور اس بارے میں معلومات بعد میں شیئر کی جائیں گی۔
اے سی بی نے سرینگر سمارٹ سٹی کے 2 افسران کے خلاف مقدمہ درج کیا
