اشتیاق ملک

ڈوڈہ// ڈوڈہ ضلع کی تحصیل چلی پنگل سے تعلق رکھنے والے دو کمسن بھائی بونجواہ دوندی نالہ میں ڈوب کر غرقاب ہوئے ہیں۔
ذرائع نے بتایا کہ ناصر حسين اور یاسر حسین ولد محمد شفیع زرگر ساکنہ گونڈو اپنے نانہال کے یہاں بونجواہ میں گئے تھے اور واپسی پر بونجواہ دوندی نالہ میں ناگہ گلوڈی کے مقام پر نہاتے ہوئے ڈوب گئے اور موقع پر ہی موت واقع ہوئی ہے۔
اس حادثہ کے فوراً بعد مقامی لوگ و پولیس کی ٹیم موقع پر پہنچی اور دونوں بھائیوں کی لاشوں کو دریا سے نکال کر نزدیکی ہیلتھ سینٹر میں منتقل کیا ہے۔