مینڈھر سڑک حادثے میں 2 موٹرسائیکل سوار زخمی

جاوید اقبال

مینڈھر// پونچھ ضلع کے مینڈھر میں بدھ کو پیش آئے ایک سڑک حادثے میں دو موٹر سائیکل سوار شدید طور پر زخمی ہو گئے ہیں جنہیں علاج کیلئے ہسپتال منتقل کر دیا گیا ہے۔
مقامی ذرائع نے بتایا کہ مینڈھر کے کوٹاں علاقے میں نئے تعمیر شدہ سٹیڈیم کے قریب ایک موٹر سائیکل زیر نمبر JK12A-1532 اور ڈمپر زیرنمبر JK12B-3600 کے درمیان ٹکرسے ہوئی۔
اُنہوں نے بتایا کہ حادثہ میں موٹرسائیکل پر دو افراد راہب الحسن ولد محمد یوسف سکنہ سویاں دھارگلون اور بشارت حسین ولد محمد عارف سکنہ سویاں دھارگلون زخمی ہوئے۔راہب الحسن کی حالت تشویشناک تھی اور اسے فوری طور پر پی ایچ سی دھارگلون میں ہنگامی طبی علاج کے لئے منتقل کیا گیاجبکہ بشارت حسین کو ابتدائی علاج کے لئے ایس ڈی ایچ مینڈھر لے جایا گیا۔
ذرائع نے بتایا کہ بعد ازاں دونوں کو جی ایم سی راجوری منتقل کردیاگیا۔
ادھر، پولیس نے واقع کا نوٹس لیتے ہوئے مقدمہ درج کر لیا ہے۔