عشرت حسین بٹ
پونچھ// پونچھ پولیس نے جموں و کشمیر غزنوی فورس (جے کے جی ایف) سے منسلک 2 ہائبرڈ ملی ٹینٹوں کو گرفتار کرنے کا دعویٰ کیا ہے۔
پولیس ترجمان نے بتایا کہ ایک بڑے کریک ڈاؤن میں پونچھ پولیس نے جموں و کشمیر غزنوی فورس (جے کے جی ایف) سے وابستہ دو ہائبرڈ ملی ٹینٹوں کو گرفتار کیا ہے۔
انہوں نے بتایا کہ آپریشن کے دوران سیکیورٹی فورسز نے ممکنہ حملوں کو ناکام بناتے ہوئے تین دستی بم اور ایک پستول برآمد کرلیا۔
ہائبرڈ ملی ٹینٹ وہ افراد ہوتے ہیں جو عام شکل کو برقرار رکھتے ہیں لیکن عسکریت پسندانہ سرگرمیوں میں ملوث ہوتے ہیں یا ان میں مدد کرتے ہیں، جس سے ان کا پتہ لگانا مشکل ہو جاتا ہے۔
پولیس نے بتایا کہ یہ آپریشن خطے میں ملی ٹینسی سے نمٹنے کے لیے سیکیورٹی فورسز کی انتھک کوششوں کی عکاسی کرتا ہے
