عظمیٰ ویب ڈیسک

سرینگر// وسطی کشمیر کے سرینگر ضلع کے مہاراج بازار علاقے میں آگ لگنے سے کم از کم دو رہائشی مکانات کو نقصان پہنچا۔
ذرائع نے بتایا کہ مہاراج بازار سرینگر میں رات کے وقت آگ لگ گئی اور اطلاع ملنے کے فوراً بعد آگ بجھانے کے لیے افراد اور مشینری کو جائے وقوعہ پر بھیج دیا گیا۔
انہوں نے کہا کہ پولیس اور مقامی لوگوں کی مدد سے ایف اینڈ ای ایس ڈیپارٹمنٹ کی مسلسل کوششوں کے بعد آگ پر قابو پالیا گیا۔
انہوں نے کہا کہ واقعے میں کم از کم دو رہائشی مکانات کو جزوی نقصان پہنچا۔
انہوں نے مزید کہا کہ آگ لگنے کی وجہ کا پتہ لگایا جا رہا ہے۔