کلگام / جنوبی کشمیر کے ضلع کلگام کے دیوسر میں زونل تعلیم دفتر کی چھت گرنے کے نتیجے میں بدھ کو دو سرکاری ملازمین زخمی ہو گئے ۔ ایک سرکاری اہلکار نے بتایا کہ جب چھت گری تو اس کے اوپر رکھا ہوا پانی کا ٹینک دونوں ملازمین کے اوپر گر گیا۔
زخمیوں کی شناخت سرطاج حسین شاہ اور شبیر احمد میر کے طور پر کی گئی ہے جو دونوں دیوسر کے رہائشی ہیں۔ انہیں فوری طور پر علاج کے لیے اسپتال منتقل کیا گیا اور ان کی حالت مستحکم ہے۔
