سری نگر جموں قومی شاہراہ پر ٹریفک رواں دواں، بڑی گاڑیوں کو سری نگر سے جموں جانے کی اجازت

عظمیٰ ویب
سری نگر، یکم جون (یو این آئی) نا ساز گار موسمی صورتحال کے باوجود وادی کشمیر کو ملک کے باقی حصوں کے ساتھ جوڑنے والی سری نگر جموں قومی شاہراہ پر ٹریفک کی نقل و حمل رواں دواں ہے تاہم آج یعنی اتوار کو مال بر دار گاڑیوں (بڑی گاڑیوں) کو سری نگر سے جموں جانے کی اجازت ہے ٹریفک حکام نے بتایاقومی شاہراہ پر مسافر بر دار گاڑیوں کی دو طرفہ نقل و حمل جاری ہے تاہم بڑی گاڑیوں کو آج سری نگر سے جموں جانے کی اجازت ہے۔
انہوں نے کہا کہ جنوبی کشمیر کے ضلع شوپیاں کو صوبہ جموں کے راجوری اور پونچھ اضلاع کے ساتھ جوڑنے والے مغل روڈ پر روڈ ٹھیک کرنے والی ایجنسی کی طرف سے گرین سگنل ملنے کے بعد ٹریفک بحال کیا جائے گا۔ان کا کہنا ہے کہ وادی کو لداخ یونین ٹریٹری کے ساتھ جوڑنے والی لیہہ سری نگر شاہراہ اور سنتھن روڈ پر ٹریفک عارضی طور پر بند ہے۔واضح رہے کہ وادی میں تازہ برف باری کے پیش نظر مغل روڈ کو گذشتہ روز احتیاطی طور پر بند کر دیا گیا تھا۔