سری نگر جموں قومی شاہراہ پر مال بر دار گاڑیوں کو جموں سے سری نگر جانے کی اجازت

عظمیٰ ویب ڈیسک
سری نگر/وادی کشمیر کو ملک کے باقی حصوں کے ساتھ جوڑنے والی سری نگر – جموں قومی شاہراہ پر ہفتے کو مال بر دار گاڑیوں کو جموں سے سری نگر جاںے کی اجازت ہے۔تاہم قومی شاہراہ پر مسافر بر دار گاڑیوں کی دو طرفہ نقل و حمل حسب معمول جاری ہے۔
ٹریفک حکام نے بتایاقومی شاہراہ پر مسافر بر دار گاڑیوں کی دو طرفہ نقل و حمل جاری ہے تاہم آج یعنی ہفتے کو بڑی گاڑیوں (مال بر دار گاڑیوں) کو جموں سے سری نگر جانے کی اجازت ہے۔
مسافروں سے لین ڈسپلن پر عمل کرنے اور اوورٹیکنگ سے اجتناب کرنے کو کہا گیا ہے۔انہوں نے کہا کہ جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ اور وادی کو لداخ یونین ٹریٹری لیہہ سری نگر شاہراہ پر ٹریفک حسب ایڈوائزری جاری ہے۔