عظمیٰ ویب ڈیسک

سرینگر// جموں و کشمیر ٹریفک پولیس نے پیر کو کہا کہ 11 اور 12 جون کی درمیانی شب میں ناشری اور بانہال کے درمیان ٹریفک کی نقل و حرکت کچھ ضروری دیکھ بھال کے کام کی وجہ سے معطل رہے گی۔
انہوں نے کہا کہ مرمت کے کام کی وجہ سے قاضی گنڈ سے رام بن کی طرف کل شام 6 بجے کے بعد قومی شاہراہ پر کسی بھی قسم کی گاڑی بشمول مویشیوں کی نقل و حرکت کی اجازت نہیں ہوگی۔
ٹریفک حکام نے کہا کہ اسی طرح نگروٹہ (جموں) سے شام 5 بجے کے بعد اور اودھم پور سے شام 6 بجے کے بعد کسی بھی گاڑی کی نقل و حرکت کی اجازت نہیں دی جائے گی۔مسافروں کو مشورہ دیا کہ وہ کام مکمل ہونے تک شاہراہ پر سفر سے گریز کریں۔
اُنہوں نے مزید کہا، “جیسا کہ این ایچ اے آئی کی طرف سے مطلع کیا گیا ہے کہ قومی شاہراہ پر ناشری اور بانہال کے درمیان کل 11 اور 12 جون 2024 کی درمیانی رات کے دوران فوری دیکھ بھال/مرمت کا کام کیا جانا ہے۔ کل رات کو ہر قسم کی گاڑیوں کی نقل و حرکت معطل رہے گی”۔
ٹریفک حکام نے کہا کہ براہ کرم تازہ ترین اپ ڈیٹ کے لیے ٹریفک کنٹرول یونٹ رام بن سے 9419993745 پر رابطہ کریں۔