محمد تسکین

بانہال// ضلع رام بن میں جاری تیز بارشوں کی وجہ درمیان ڈھلواس علاقے میں گرآئی ایک پسی ہٹانے کے بعد جموں سرینگر قومی شاہراہ پر ٹریفک آمدورفت بحال کر دی گئی ہے۔
ٹریفک حکام نے کشمیر عظمیٰ کو بتایا کہ ڈھلواس علاقے میں پسی گرآنے کے بعد دونوں طرف کے ٹریفک کو روک دیا گیا تھا اور فوری طور پر بحال کا کام شروع کیا گیا۔
انہوں نے کہا جلد ہی شاہراہ پر روکے گئے ٹریفک کو بحال کر دیا گیا ہے۔
اُنہوں نے مسافروں اور ٹرانسپورٹروں کو مشورہ دیا ہے کہ سفر شروع کرنے سے قبل ٹریفک کنٹرول یونٹس سے شاہراہ کی تازہ ترین جانکاری حاصل کریں اور موسم میں بہتری تک شاہراہ پر سفر کرنے سے گریز کریں۔
ادھر، ماہرِ موسمیات نے آئندہ چند گھنٹوں کے دوران کہیں کہیں تیز بارشوں اور سیلابی ریلوں کی پیش گوئی کی ہے۔