عظمیٰ ویب ڈیسک

سرینگر// سرینگر پولیس نے یومِ عاشورہ (29 جولائی 2023 ) کیلئے تازہ ٹریفک ایڈوائزری جاری کی ہے۔
جمعہ کو جاری ایک ایڈوائزری کے مطابق، یوم عاشورہ (29 جولائی-2023) کو منایا جائے گا۔ مرکزی ذوالجناح کا جلوس بوٹہ کدل سے امام باڑہ جڈی بل سرینگر تک نکالا جائے گا جس سے جڈی بل اور ملحقہ علاقوں میں ٹریفک کی نقل و حرکت متاثر ہوگی۔
ٹریفک کی ہموار نقل و حرکت اور عام لوگوں کی سہولت کیلئے ٹریفک پولیس سٹی سری نگر نے ٹریفک ایڈوائزری جاری کی ہے۔
جڈی بل کی طرف جانے والے ٹریفک کو فردوس سینما، مل سٹاپ، لال بازار، بوٹہ کدل اور چھٹی پادشاہی کی طرف موڑ دیا جائے گا۔
لال چوک سے صورہ جانے کا ارادہ رکھنے والی گاڑیاں ڈاکٹر علی جان روڈ کو اپنائیں گے۔
زکورہ سے لال چوک کی طرف جانے والی گاڑیاں فارشور روڈ کو اپنائیں گے۔
گوجوارہ سے جڈی بل کی طرف آنے والی گاڑیوں کو فردوس سینما سے ڈاکٹر علی جان روڈ کی طرف موڑ دیا جائے گا۔
لال چوک سے بادام واری کی طرف آنے والی گاڑیوں کو رعنا واری کے راستے چھٹی پادشاہی سے کاٹھی دروازہ کی طرف موڑ دیا جائے گا۔
لال بازار کے علاقے کےگاڑی والے کنہ تار-حضرت بل-فورشور روڈ کا استعمال کریں گے۔
پولیس نے ایڈوائزری میں عوام سے گزارش کی ہے کہ ان علاقوں کی طرف غیر ضروری نقل و حرکت سے گریز کریں جہاں یوم عاشورہ کے جلوس نکالے جا رہے ہیں۔