عظمیٰ ویب ڈیسک

سرینگر// محکمہ موسمیات نے پیر کو 20 جولائی تک جموں و کشمیر کے الگ تھلگ مقامات پر گرج چمک کے ساتھ بارش کی پیش گوئی کی ہے۔
محکمہ نے 15 سے 20 جولائی تک جموں و کشمیر کے الگ تھلگ مقامات پر بارش اور گرج چمک کے ساتھ مختصر اور وقفے وقفے سے موسم جزوی طور پر ابر آلود رہنے کی پیش گوئی کی ہے۔
محکمہ کے ترجمان نے کہا کہ 21 سے 23 جولائی تک موسم عام طور پر ابر آلود رہنے کے ساتھ ساتھ کئی مقامات پر وقفے وقفے سے ہلکی بارش کا بھی امکان ہے۔
انہوں نے کہا کہ کچھ خطرناک مقامات پر پسیاں گرنے، مٹی کے تودے اور پتھر گرنے کے امکان کے ساتھ مختصر مدت کے لیے شدید بارشیں ہوسکتی ہیں۔