زاہدبشیر
گول//تحصیلدار گول نے آج رام بن ضلع کے تعلیمی زون گول کے پرائمری سکول سیناوالی کااچانک دورہ کیاجس دوران انہوں نے سکول کو مقفل پایا،جبکہ پرائمری سکول دترمیں دواساتذہ کے بجائے صرف ایک ڈیوٹی پرکو خاضر پایا گیا۔
پرائمری سکول دترکے طلبا نے شکایت کی کہ سکول میں مڈ ڈے میل نہیں دیا جا رہا ہے۔تحصیلدار کا کہنا ہے کہ اس سے قبل بھی اُنہیں شکایت تھی کہ پرائمری سکول دتر میں طلبا کو مڈ ڈے میل نہیں دیا جا رہا ہے۔
کشمیرعظمیٰ کے ساتھ بات کرتے ہوئے تحصیلدار گول راکیش نے کہاکہ جوں ہی علاقے کادورہ کیاتوگول رام بن شاہراہ کے برلب سیناوالی سکول کوبندپایا اور پرائمری سکول دترمیں صرف ایک استاد خاضر تھا۔
انہوں نے کہاکہ اس سلسلےمیں متعلقہ ٹیچروں اور دیگر عہدیداروں کو وجہ بتائو نوٹس جاری کر دئے ہیں۔
