عشرت حسین بٹ
پونچھ// تاریخی مغل شہر راہ پر کل سے برف ہٹانے کا کام شروع کیا جا رہا ہے اور 10اپریل سے اس شاہراہ کو ٹریفک آمد و رفت کے قابل بنایا جا سکتا ہے ۔
ان خیالات کا اظہار او سی گریف آشش رنجن نے پونچھ میں ایک پریس کانفرنس کے دوران کیا انہوں نے کہا کہ بارڈر روڈ آرگنائزیشن نے مغل شاہراہ کو 31دسمبر 024کو اپنی تحویل میں لیا تھا لیکن اس کے بعد نامساعد موسمی صورت حال اور برف باری کی بنا پر شاہراہ ٹریفک آمد و رفت کے لیے بند تھی۔
ان کا کہنا تھا کہ کل سے پوشانہ تا پیر کی گلی دس کلو میٹر سڑک سے برف ہٹانے کا کام شروع کیا جا رہا ہے جس میں یہ کوشش رہے گی کہ 9اپریل تک شاہراہ سے برف صاف کر شاہراہ کو ٹریفک آمد ورفت کے لیے بنایا جائے ۔
انھوں نے کہا کہ بی آر او کا ارادہ تھا کہ بیس اپریل تک اس شاہراہ پر ٹریفک کو بحال کیا جائے مگر ایمرجنسی اور انتظامی اثرار پر دس اپریل کو اس شاہراہ پر ٹریفک آمد و رفت متوقع ہے ان کا کہنا تھا کہ شاہراہ پر بہت زیادہ برف اور برفانی تودے گرآئے ہیں اور ان کو صاف کرنے کے لیے گریف کی جانب سے تمام تر مشینری اور مین پاور کو استعمال کیا جائے گا ۔
او سی کا مزید کہنا تھا کہ جونہی سڑک کو ٹریفک آمد ورفت کے قابل بنایا جائے گا تو ٹریفک چلنے کے لیے صبح دس بجے سے شام تین بجے تک کا وقت مقرر کیا جائے گا تاکہ شاہراہ پر بہتر طریقے سے ٹریفک آمد و رفت جاری رہے ۔انہوں نے کہا کہ جو لوگ اس شاہراہ پر سفر کریں گے وہ باضابطہ طور پر ان کی طرف سے جاری کی جانے والی ٹریفک ایڈوائزری کے مطابق ہی سفر کریں گے۔
تاریخی مغل شاہراہ پر کل سے برف ہٹانے کاکام شروع کیا جائے گا،10اپریل تک ٹریفک آمد و رفت متوقع : او سی گریف
