عظمیٰ ویب ڈیسک

سرینگر// محکمہ موسمیات کی پیش گوئی کے مطابق وادی کشمیر میں اگلے چوبیس گھنٹوں کے دوران مطلع ابر آلود رہنے کے ساتھ پہاڑی علاقوں میں کہیں کہیں ہلکی برف باری جبکہ میدانی علاقوں میں ہلکی بارشوں کا امکان ہے۔
ادھر وادی میں شبانہ درجہ حرارت نقطہ انجماد سے نیچے درج ہوا ہے تام اس میں قدرے بہتری واقع ہونے سے سردی کی شدت بھی کسی حد تک کمی واقع ہوئی ہے۔
محکمہ موسمیات کے ایک ترجمان کے مطابق وادی میں 8 دسمبر کی شام سے 9 دسمبر کی صبح تک موسم ابر آلود رہنے کے ساتھ پہاڑی علاقوں میں کہیں کہیں ہلکی برف باری جبکہ میدانی علاقوں میں ہلکی بارشوں کا امکان ہے۔
انہپوں نے کہا کہ وادی میں 10 اور 11 دسمبر کو موسم خشک رہ سکتا ہے تاہم 12 دسمبر کو ایک بار پھر مطلع ابر آلود رہنے کے ساتھ پہاڑی علاقوں میں کہیں کہیں ہلکی برف باری کوستی ہے۔
ان کا کہنا ہے کہ بعد ازاں وادی میں 17 دسمبر تک موسم مجموعی طور پر خشک رہنے کا امکان ہے۔
محکمے نے سیاحوں، مسافروں اور ٹرانسپورٹروں سے کہا ہے کہ وہ ٹریفک ایڈوائزری پر عمل کریں۔
دریں اثنا مطلع ابر آلود رہنے سے وادی کے شبانہ درجہ حرارت میں قدرے بہتری واقع ہوئی ہے۔
گرمائی دار الحکومت سری نگر میں کم سے کم درجہ حرارت منفی0.5 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی2.0 ڈگری سینٹی گریڈ ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی3.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی3.6 ڈگری سینٹی گریڈ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت منفی2.8 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 4.3 ڈگری سینٹی گریڈ ریکارڈ ہوا تھا۔
سرحدی ضلع کپوارہ میں کم سے کم درجہ حرارت 0.1 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی3.6 ڈگری سینٹی گریڈ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی 1.0 ڈگری سینٹی گریڈ ریکارڈ ہوا تھا۔
شمالی کشمیر کے ضلع بارہمولہ اور بانڈی پورہ میں کم سے کم درجہ حرارت بالترتیب منفی 0.1 ڈگری سینٹی گریڈ اور منفی0.7 ڈگری سینتی گریڈ ریکارڈ ہوا ہے۔
جنوبی کشمیر کے ضلع پلوامہ، شوپیاں، اننت ناگ اور کولگام میں کم سے کم درجہ حرارت بالترتیب منفی2.1 ڈگری سینٹی گریڈ، منفی3.5 ڈگری سینٹی گریڈ، منفی2.1 ڈگری سینٹی گریڈ اور منفی2.0 ڈگری سینٹی گریڈ ریکارڈ ہوا ہے۔
وسطی کشمیر کے بڈگام اور گاندربل میں کم سے کم سے کم درجہ حرارت بالترتیب منفی1.3 ڈگری سینٹی گریڈ اور منفی0.7 ڈگری سینٹی گریڈ ریکارڈ ہوا ہے۔
لداخ یونین ٹریٹری کے ضلع لیہہ میں کم سے کم درجہ حرارت منفی7.2 ڈگری سینٹی گریڈ جبکہ ضلع کرگل میں کم سے کم درجہ حرارت منفی5.6 ڈگری سینٹی گریڈ ریکارڈ ہوا ہے۔