سنتھن-کشتواڑ سڑک چھوٹی گاڑیوں کے لیے کھول دی گئی

اننت ناگ// حکام نے بدھ کے روز سنتھن-کشتواڑ سڑک پر حالیہ برفباری کے بعد چھوٹی موٹر گاڑیوں کی نقل و حرکت کی اجازت دے دی ہے۔
سب ڈویژنل مجسٹریٹ کوکرناگ کی طرف سے جاری کیے گئے حکم کے مطابق، یہ سڑک صرف “چین استعمال کرنے والی گاڑیوں” کے لیے کھولی گئی ہے۔
ایڈوائزری کے مطابق، گاڑیوں کو صبح 11 بجے سے 2 بجے کے درمیان سفر کرنے کی اجازت ہوگی، بشرطیکہ موسم صاف ہو۔
ٹریفک پولیس اور ایس ایچ او لارنو کو ہدایت دی گئی ہے کہ وہ اوقات کی سختی سے پابندی کو یقینی بنائیں اور کسی بھی گاڑی کو جو اس ہدایت کی خلاف ورزی کرے، کو ضبط کریں۔