سری نگر// ریاستی تحقیقاتی ایجنسی (ایس آئی اے) نے پولیس کی مدد سے درج ایک کیس کے سلسلے میں کشمیر میں متعدد مقامات پر چھاپے مارے۔
خبر رساں ایجنسی کشمیر ڈاٹ کام نے سرکاری زرئع کے حوالے سے بتایا کہ تفتیشی ایجنسی کے اہلکاروں نے مقامی پولیس اور سی آر پی ایف کی مدد سے گرمائی دارالحکومت سری نگر، بانڈی پورہ، بڈگام اور وادی کے دیگر اضلاع میں چھاپے مارے۔
سرکاری زرائع نے بتایا کہ سری نگر کے برزلہ میں محمد اشرف لایا (حریت کارکن) اور نادر گنڈ پیر باغ کے رہائشی مشتاق احمد وانی ولد عبدالاحد وانی کی رہائش گاہوں کی تلاشی لی جارہی ہے۔ محمد سعید بٹ ولد عبدالجبار بٹ ساکن درد ہری کرالپورہ کپواڑہ کے رہائشی مکان کی بھی تفتیشی ایجنسی تلاشی لے رہی ہے۔
انہوں نے بتایا کہ مظفر حسین بٹ ولد محمد اسد اللہ بٹ ساکنہ آرم پورہ پٹن ضلع بارہمولہ کے رہائشی مکان کی بھی ایس آئی اے کے اہلکاروں کی طرف سے تلاشی لی جا رہی ہے۔
اسی طرح ریاستی تحقیقاتی ایجنسی کی متعدد ٹیمیں کشمیر کے مختلف حصوں میں تلاشی لے رہی ہیں۔
ایک اہلکار نے تصدیق کرت ہوۓ کہا کہ ایس آئی اے میں پہلے سے درج ایک کیس کے سلسلے میں چھاپے مارے جا رہے ہیں۔ انہوں نے کہا کہ کیس کی تفصیلات بعد میں شیئر کی جائیں گی۔
