عظمیٰ ویب ڈیسک
سرینگر/جموں و کشمیر حکومت نے بدھ کے روز آبپاشی ڈویژن شوپیاں کے ایک ملازم کو منشیات کی اسمگلنگ میں ملوث ہونے کی وجہ سے ملازمت سے برطرف کر دیا۔
ایک حکم نامے کے مطابق گلزار احمد ڈار، جمعدار، آبپاشی ڈویژن شوپیاں کو نارکوٹک ڈرگس اینڈ سائیکو ٹراپک سبسٹینسز (این ڈی پی ایس) ایکٹ کے تحت درج ایف آئی آر نمبر 21/2023 کی دفعہ 8/15 کے تحت درج مقدمے کے سلسلے میں ملازمت سے برطرف کر دیا گیا ہے۔
حکم نامے میں کہا گیا ہے کہ 2023 میں اس کے قبضے سے 9.9 کلوگرام پوست کا بھوسا برآمد ہوا تھا، جس کے بعد اسی سال اسے معطل کر دیا گیا تھا۔
اس میں مزید کہا گیا کہ ملزم کے خلاف مزید تحقیقات کی گئیں، جس سے یہ ثابت ہوا کہ وہ منشیات کے کاروبار میں ملوث تھا، لہٰذا اسے ملازمت سے برطرف کرنے کا فیصلہ کیا گیا۔
حکم نامے میں مزید کہا گیا کہ ملزم کو مستقبل میں کسی بھی سرکاری ملازمت کے لیے نااہل قرار دیا گیا ہے۔
