عظمیٰ ویب ڈیسک
سرینگر/ سینئر سیاسی رہنما اور سابق ایم ایل سی یاسر ریشی نے آج سابق پی ڈی پی رہنما پیر منصور کے ہمراہ پیپلز ڈیموکریٹک پارٹی (پی ڈی پی) میں شمولیت اختیار کر لی۔ یہ شمولیت سرینگر میں پارٹی ہیڈکوارٹر پر پی ڈی پی صدر محبوبہ مفتی کی موجودگی میں ہوئی۔
یاسر ریشی، جو ابتدا میں پی ڈی پی سے وابستہ تھے، بعد میں سجاد لون کی جموں و کشمیر پیپلز کانفرنس میں شامل ہوئے اور پھر انجینئر رشید کی عوامی اتحاد پارٹی (اے آئی پی) سے منسلک ہو گئے۔ تاہم، ایک اہم سیاسی پیش رفت میں، انہوں نے اب دوبارہ پی ڈی پی میں واپسی کی ہے۔
اسی طرح، پیر منصور، جو محبوبہ مفتی کے قریبی ساتھی سمجھے جاتے ہیں، کچھ عرصہ قبل پی ڈی پی سے الگ ہو گئے تھے لیکن اب دوبارہ پارٹی میں شامل ہو گئے ہیں۔
اس موقع پر محبوبہ مفتی نے پارٹی کارکنوں اور میڈیا سے خطاب کرتے ہوئے اتحاد پر زور دیا اور نچلی سطح پر پارٹی کو مزید مضبوط بنانے کی اہمیت پر روشنی ڈالی۔
