پونچھ میں ملی ٹینٹوں کی تلاش جاری

عظمیٰ ویب ڈیسک
سرینگر/جموں و کشمیر کے ضلع پونچھ کے لسانہ جنگلاتی علاقے میں ملی ٹینٹوں کی موجودگی کی اطلاع پر سیکیورٹی فورسز کا مشترکہ سرچ آپریشن جمعرات کو دسویں روز بھی جاری رہا۔یاد رہے کہ 14 اپریل کو پونچھ کےلسانہ گاوں میں سیکیورٹی فورسز اور دہشت گردوں کے درمیان فائرنگ کا تبادلہ ہوا تھا، جس کے بعد علاقہ گھیرے میں لے کر بڑے پیمانے پر تلاشی مہم شروع کی گئی تھی۔
حکام کے مطابقملی ٹینٹ اب بھی گھنے جنگلات میں روپوش ہیں اور ان کی تلاش کے لیے سراغ رسانی کی جدید تکنیک استعمال کی جا رہی ہیں۔سیکورٹی ذرائع کے مطابق، لسانہ گاؤں کے قریب نیشنل ہائی وے پر ملی ٹینٹوں کی جانب سے فائرنگ کے واقعے میں ایک فوجی اہلکار زخمی ہو گیا تھا۔ اس واقعے کے بعد سے علاقے میں حفاظتی انتظامات مزید سخت کر دیے گئے ہیں۔پونچھ، راجوری اور جموں کو ملانے والی قومی شاہراہ پر بھی ہائی الرٹ نافذ کر دیا گیا ہے۔
واضح رہے کہ پہلگام حملے کے بعد جموں وکشمیر میں سیکورٹی فورسز کی تعیناتی بڑھا دی گئی ہے جبکہ جنگلاتی علاقوں میں موجود ملی ٹینٹوںکے خلاف بڑے پیمانے پر آپریشن شروع کیا گیا ہے۔