ہم تلوار کی دھار پر چل رہے ہیں لیکن ہم چلیں گے: ڈاکٹر فاروق عبداللہ

عظمیٰ ویب ڈیسک
سری نگر/نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ نے جموں و کشمیر میں سرکار چلانے کو تلوار کی دھار پر چلنے سے تعبیر کیا۔انہوں نے کہااتھارٹی ہمارے ہاتھ میں نہیں ہے سب کچھ لیفٹیننٹ گورنر کے ہاتھ میں ہے، ہمیں تلوار کی دھار پر چلنا ہے، ہم چلیں گے ہم پیچھے نہیں ہٹیں گے۔موصوف صدر نے ان باتوں کا اظہار پیر کو یہاں برزلہ میں نامہ نگاروں کے ساتھ بات کرنے کے دوران کیا۔
انہوں نے کہااتھارٹی ہمارے ہاتھ میں نہیں ہے سب کچھ لیفٹیننٹ گورنر کے ہاتھ میں ہے، ہمیں تلوار کی دھار پر چلنا ہے، ہم چلیں گے ہم پیچھے نہیں ہٹیں گے۔ریاستی درجے کے بارے میں ان کا کہنا تھانہ صرف نیشنل کانفرنس بلکہ جموں و کشمیر کے ہر فرد کو امید ہے کہ ہمیں ریاستی درجہ ضرور واپس ملے گا۔معراج ملک کے بارے میں ڈاکٹر فاروق عبداللہ نے کہاایک افسر کے خلاف جو زبان استعمال کی گئی وہ غیر مہذب تھی لیکن اس پر معراج ملک پر پی ایس اے لگانا بھی غلط ہے اس مسئلے کو بات چیت کے ذریعے حل کیا جا سکتا تھا۔