چھاترو میں سڑک حادثہ ،سی آرپی ایف گاڑی نے خاتون کو کچل ڈالا، عوام سراپا احتجاج

عاصف بٹ
سرینگر/بعد نماز جمعہ کشتواڑ ضلع کے چھاترو علاقے میں ایک تیز رفتار سی آر پی ایف کی گاڑی نے راہ چلتی خاتون کو کچل ڈالا جس کی موقعہ پر ہی موت واقع ہوئی ۔
ذرائع کے مطابق یہ حادثہ اس وقت پیش آیا جب سی آر پی ایف کی گاڑی چھاترو سے سنگھ پورہ کی طرف جارہی تھی کہ پاسکروٹ کے قریب خاتون اسکی زدمیں آئی اور موقعہ پر ہی اسکی موت ہوئی ۔ متوفیہ کی شناخت حنیفہ بیگم زوجہ محمد اکبر ملک ساکن ملک پور پاسرکوٹ کے بطور ہوئی ہے۔
حادثے کے بعد مقامی لوگوں و لواحقین نے زبردست احتجاج اور سڑک کو بند کردیاجسکے بعد پولیس و مقامی انتظامیہ موقعہ پر پہنچی اور نعش کو پوسٹ مارٹم کیلے ہسپتال منتقل کیا گیا۔ پولیس نے بتایا کہ مقدمہ درج کرکے تحقیقات عمل میں لائی جاےگی۔