کرگل اور گریز کی سیاحت کی بحالی کشمیر کی سیاحت کے لئے ضروری:ناصر اسلم

عظمیٰ ویب ڈیسک
سری نگر/وزیر اعلیٰ عمر عبداللہ کے مشیر ناصر اسلم کا کہنا ہے کہ کرگل اور گریز میں سیاحت کو بحال کرنا کشمیر میں سیاحت کی مجموعی بحالی کے لیے بہت ضروری ہے۔انہوں نے کہا کہ کرگل ایک زمانے میں ایڈونچر ٹورزم کے لئے ایک پسندیدہ مقام تھا۔
موصوف مشیر نے ان باتوں کا اظہار جمعرات کو یہاں ایک تقریب کے اختتام پر نامہ نگاروں کے ساتھ بات کرنے کے دوران کیا۔انہوں نے کہاکرگل اور کشمیر مشترکہ تاریخ، کاروباری اور ثقافتی رشتوں سے جڑے ہوئے ہیں، کرگل اور گریز میں سیاحت کو بحال کرنا کشمیر میں سیاحت کی مجموعی بحالی کے لیے بہت ضروری ہے۔
ان کا کہنا تھاجغرافیائی طور پر ہم مختلف ہیں لیکن دل، تاریخ اور ہمدردی و مہمان نوازی میں ہم ایک ہیں۔ناصر اسلم نے کہا کہ کرگل ایک زمانے میں غیر ملکی سیاحوں کے لئے ایڈونچر ٹورزم کا ایک پسندیدہ مقام تھا۔
انہوں نے کہاہم نے لیفٹیننٹ گورنر سے مشہور اور محفوظ سیاحتی مقامات کو دوبارہ کھولنے کی درخواست کی ہےان کا کہنا تھاان سیاحتی مقامات کو بند رکھنے سے جہاں سیاحوں کی حوصلہ شکنی ہو رہی ہے وہیں مقامی سیاحتی شعبے کی ترقی میں بھی رکاوٹیں پیدا ہو رہی ہیں۔