معروف عالم دین مفتی نذیر احمد قاسمی دل کا دورہ پڑنے کے بعد اسپتال داخل، حالت مستحکم

عظمیٰ ویب ڈیسک
سرینگر /معروف اسلامی اسکالر مولانا مفتی نذیر احمد قاسمی کو آج صبح دل کا دورہ پڑنے کے بعد اسپتال میں داخل کرایا گیا ہے۔ اس ضمن میں مولانا مفتی نذیر احمد قاسمی کے دفتر سے جاری ایک بیان کے مطابق مولانا اس وقت سرینگر کے ایک اسپتال میں آئی سی یو میں زیر علاج ہے۔
بیان میں کہا گیا کہ اللہ کے فضل سے، بروقت طبی مداخلت، صحت کی دیکھ بھال کرنے والے پیشہ ور افراد کی مہارت، اور خیر خواہوں کی دعاؤں سے، ان کی حالت اب مستحکم ہے، اور وہ فوری خطرے سے باہر ہیں۔ انہوں نے مزید کہاکہ وہ اس وقت انتہائی نگہداشت کے یونٹ میں قریبی نگرانی میں زیر علاج ہیں۔
ان کے دفتر سے جاری بیان کے مطابق اللہ کی رحمت پر گہرا شکر ادا کیا ہے اور میڈیکل ٹیم، خاص طور پر ڈاکٹر عامر اور سینئر فزیشنز کے اہم کردار کو تسلیم کیا ہے، جن کا فوری ردعمل اور مہارت ہنگامی صورتحال سے نمٹنے میں اہم تھی ۔
بیان میں مزید کہا گیا ہے کہ قاسمی کی صحت یابی کو ترجیح دینے کیلئے ان کی آئندہ تمام عوامی مصروفیات اور پروگرام غیر معینہ مدت کیلئے منسوخ کر دیے گئے ہیں۔ بیان میں کہا گیا ہے کہ دنیا بھر میں خاندان کے ارکان، طلبہ اور پیروکاروں سے اپیل کی گئی ہے کہ وہ ان کی مکمل اور جلد صحت یابی کیلئے دعا کرتے رہیں۔