پولیس کا سری نگر میں ہابرڈ جنگجو کی گرفتاری کا دعویٰ

سری نگر// جموں وکشمیر پولیس نے لاوے پورہ سری نگر میں ہابرڈ جنگجو کو اسلحہ وگولہ بارود سمیت حراست میں لینے کا دعویٰ کیا ہے۔
پولیس نے اپنے آفیشل ٹویٹر ہینڈل پر لکھا ”مصدقہ اطلاع موصول ہونے کے بعد 2 آر آر اور سری نگر پولیس نے لاوے پورہ سری نگر میں ہابرڈ جنگجو جس کی شناخت ارشید احمد بٹ ولد عبدالکریم بٹ ساکن سنگم بڈگام کے بطور ہوئی ہے کو حراست میں لیا“۔
انہوں نے بتایا کہ گرفتار جنگجو لشکر طیبہ سے وابستہ ہے اور اُس کے قبضے سے پانچ پستول، پانچ پستول میگزین، 50 گولیوں کے راونڈ، اور دو گرینیڈ برآمد کرکے ضبط کئے گئے۔
پولیس نے معاملے کے متعلق کیس درج کرکے مزید تحقیقات شروع کی۔