عظمی ویب ڈیسک
سرینگر/منشیات کے خلاف مہم کو وسیع پیمانے پر جاری رکھتے ہوئے پولیس نے سری نگر میں تین بدنام زمانہ منشیات فروشوں کے خلاف پریوینشن آف ایلسیٹ ٹریفک ان نارکوٹکس ڈرگس اینڈ سائیکوٹروپک سبسٹنس ایکٹ (پی آئی ٹی این ڈی پی ایس) کے تحت مقدمے درج کئے ہیں۔
ایک پولیس ترجمان نے اپنے ایک بیان میں کہا کہ سری نگر پولیس کے ذریعہ تیار کردہ ڈوزیئر کی بنیاد پر صوبائی کمشنر کشمیر سے باضابطہ نظر بندی کے احکامات حاصل کرنے کے بعد تین بد نام زمانہ منشیات فروشوں کے خلاف پی آئی ٹی این ڈی پی ایس ایکٹ کے تحت مقدمے درج کئے گئے۔
منشیات فروشوں کی شناخت پرویز احمد گنائی عرف پاوا ولد محمد جعفر گنائی ساکن کانہ ہامہ بڈگام، حارث بلال ڈار ولد بلال احمد ڈار ساکن الٰہی باغ صورہ سری نگر اور ثاقب احمد شاہ ولد غلام حسن شاہ ساکن آثار کالونی حضرت بل سری نگر کے طور پر کی گئی ہے۔انہوں نے کہا کہ ان منشیات فروشوں کو ضلع جیل کٹھوعہ میں بند رکھا گیا ہے۔
Police books three infamous drug peddlers under the PIT NDPS Act in Srinagar.
Lodged in District Jail of Kathua.
Continuing the relentless crackdown against drug trafficking and dismantling the illegal narcotics network, Srinagar Police has booked three infamous drug peddlers… pic.twitter.com/5ffLIeeCBm
— Srinagar Police (@SrinagarPolice) March 28, 2025
بیان میں کہا گیا کہ یہ منشیات فروش خطرناک پیمانے پر سری نگر کے نوجوانوں میں منشیات کی فروخت میں ملوث ہیں اور اس کے علاوہ وہ سری نگر کے مختلف تھانوں میں این ڈی پی ایس ایکٹ کے کئی مقدمات میں بھی ملوث تھے۔
انہوں نے کہا کہ این ڈی پی ایس ایکٹ کے متعدد مقدمات درج ہونے کے باوجود مذکورہ منشیات فروش عدالتوں سے ضمانت حاصل کرنے کے بعد بھی اپنی حرکات سے باز نہیں آئے اور اپنے غیر قانونی منشیات کے نیٹ ورک کے ذریعے وادی بالخصوص سری نگر کے نوجوانوں میں ڈھٹائی سے منشیات کو فروغ دے رہے تھے۔
پولیس ترجمان نے بتایا کہ پولیس نے پی آئی ٹی این ڈی پی ایس ایکٹ کی دفعات کے تحت ان کی جائیدادوں کو قرق کرنے کی کارروائی بھی شروع کر دی ہے۔انہوں نے کہا کہ جموں و کشمیر پولیس قانون کی پوری طاقت کے ساتھ خطے میں منشیات کی تجارت کو ختم کرنے کے اپنے پختہ عزم کا اعادہ کرتی ہے۔
