وزیراعظم کا تین یورپی ممالک کا دورہ ملتوی

عظمیٰ ویب ڈیسک
نئی دہلی/وزیر اعظم نریندر مودی کا اس ماہ کے وسط میں کروشیا، ناروے اور نیدرلینڈ کا دورہ ملتوی ہو گیا ہے۔ذرائع نے آج یہاں بتایا کہ پہلگام دہشت گردانہ حملے کے بعد ہندوستانی مسلح افواج کی سرحد پار کارروائی اور اس کے بعد پیدا ہونے والی صورتحال کے پیش نظر وزیر اعظم مودی کا ان تین یورپی ممالک کا دورہ ملتوی کر دیا گیا ہے۔
مودی کو 12 مئی سے 17 مئی تک ان ممالک کا دورہ کرنا تھا۔ شیڈول کے مطابق وزیر اعظم کو 12 مئی کو کروشیا کے دارالحکومت زگریب، 14 مئی کو اوسلو اور 16 مئی کو دی ہیگ پہنچنا تھا۔