وزیر اعظم مودی نے سیاحت کے شعبے کا جائزہ لینے اور فروغ دینے کیلئے اہم میٹنگ کی صدارت کی

عظمیٰ ویب ڈیسک
نئی دہلی/پہلگام حملے کے بعد جموں کشمیر میں سیاحتی شعبہ پر پڑنے والے اثرات کے بیچ وزیر اعظم نریندر مودی نے نئی دہلی میں ملک کے سیاحت کے شعبے کا جائزہ لینے اور اسے بہتر بنانے کے لیے ایک اہم میٹنگ کی صدارت کی۔
خیال رہے کہ 22 اپریل کو جموں و کشمیر کے پہلگام میں ہونے والے دہشت گردانہ حملے کے بعد سیاحت پر نئی توجہ مرکوز کی گئی ہے، جس نے سیاحوں کو کشمیر جانے سے روک دیا تھا۔ حکومت حملے کے ہفتوں بعد وادی میں سیاحت کو فروغ دینے پر زور دے رہی ہے۔
حکومت اب سیاحوں کو خطے میں واپس لانے اور سفر کی حوصلہ افزائی کے لیے کام کر رہی ہے۔ اجلاس میں موجودہ منصوبوں کی جانچ پڑتال اور ملک بھر میں سیاحت کو فروغ دینے کے نئے طریقے تلاش کرنے پر توجہ مرکوز کی گئی۔
اس سے پہلے، 15 مئی کو، جموں و کشمیر کے وزیر اعلیٰ عمر عبداللہ نے 15 مئی کو سول سیکرٹریٹ میں ہوٹلرس ایسوسی ایشن کے ساتھ ایک میٹنگ کی صدارت کی تھی۔انہوں نے 22 اپریل کو پہلگام دہشت گردانہ حملے کے بعد ان کے خدشات پر تبادلہ خیال کرنے کے لیے میٹنگ کی۔
عمر عبداللہ نے میٹنگ میں موجود مختلف اسٹیک ہولڈرس کو یقین دلایا کہ حکومت اس شعبے کی حمایت کے لیے پوری طرح پرعزم ہے اور ان کی قیمتی تجاویز پر غور سے غور کرے گی۔