عظمیٰ ویب ڈیسک
نئی دہلی/ کٹراہ// وزیر اعظم نریندر مودی نے امرتسر – شری ماتا ویشنو دیوی کٹرا ہ وندے بھارت ٹرین کو ہری جھنڈی دکھائی۔
لیفٹیننٹ گورنر منوج سنہا نے امرتسر کے درمیان وندے بھارت ٹرین کو شری ماتا ویشنو دیوی کٹراہ اسٹیشن کے لیے وقف کرنے کے لیے وزیر اعظم نریندر مودی کا شکریہ ادا کیا۔
لیفٹیننٹ گورنر نے کہا”نئی وندے بھارت ٹرین شری ماتا ویشنو دیوی کے عقیدتمندوں کے لیے سفر میں آسانی کو یقینی بنائے گی اور مقامی معیشت کی ترقی کی رفتار کو تیز کرے گی”.
لیفٹیننٹ گورنر نےکہا کہ جموں و کشمیر کے ٹرانسپورٹ انفراسٹرکچر، خاص طور پر ریلوے میں وزیر اعظم کی قیادت میں بے مثال ترقی ہوئی ہے۔
انہوں نے کہا کہ پہلی مال بردار ٹرین جو 09 اگست کو پنجاب سے اننت ناگ پہنچی ہے اس نے وادی کشمیر کے ٹرانسپورٹ انفراسٹرکچر اور تجارت میں ایک اہم سنگ میل کا نشان لگایا ہے۔
لیفٹیننٹ گورنر نے X پر پوسٹ کیا” امرتسر سے شری ماتا ویشنو دیوی کٹرا ہ اسٹیشن کے درمیان وندے بھارت ٹرین کو ہری جھنڈی دکھانے کے لیے وزیر اعظم نریندر مودی جی کا مشکور ہوں۔ جموں کشمیر کے ٹرانسپورٹ انفراسٹرکچر، خاص طور پر ریلوے میں، وزیر اعظم کی قیادت میں بے مثال ترقی ہوئی ہے۔ نئی وندے بھارت ٹرین ماتا ویشنو دیوی کے عقیدت مندوں کے لیے سفر میں آسانی کو یقینی بنائے گی اور مقامی معیشت کی ترقی کی رفتار کو تیز کرے گی۔ کل، پہلی مال بردار ٹرین پنجاب سے اننت ناگ پہنچی تھی، جس نے وادی کشمیر کے ٹرانسپورٹ انفراسٹرکچر اور تجارت میں ایک اہم سنگ میل کا نشان لگایا تھا”.
26406 شری ماتا ویشنو دیوی کٹرا – امرتسر وندے بھارت
ایکسپریس ٹرین صبح 06:40 بجے کٹراہ سے روانہ ہوکر دوپہر 12:20 بجے امرتسر پہنچے گی۔ اسی دن واپسی کی سمت میں، 26405 امرتسر- شری ماتا ویشنو دیوی کٹراہ وندے بھارت ایکسپریس ٹرین شام 4:25 بجے امرتسر سے روانہ ہوگی۔ رات 10 بجے کٹرہ ہ پہنچے گی۔ یہ ٹرین منگل کو چھوڑ کر ہفتے میں چھ دن چلے گی۔
