عظمیٰ ویب ڈیسک
نئی دہلی /قومی سلامتی کے مشیر اجیت ڈوبھال نے آج پاکستانی ہم منصب عاصم ملک کے ساتھ موجودہ فوجی کشیدگی کے بارے میں بات چیت کی ۔اسکی تصدیق پاکستان کے نائب وزیر اعظم اور وزیر خارجہ اسحاق ڈار نے ایک انٹرویومیں کی ۔
اجیت ڈوبھال نے وزیر اعظم نریندرمودی کے ساتھ بھی آج ملاقات کی اور تازہ ترین صورتحال سے انھیں آگاہ کیا۔دونوں ملکوں کے قومی سلامتی کے مشیروں کے درمیان ٹیلی فون پر بات ہوئی ۔یہ گفتگوانتہائی اہمیت کی حامل ہے ۔
جنرل عاصم ملک پاکستان کی خفیہ ایجنسی آئی ایس آئی کے سربراہ بھی ہیں اور حال ہی میں انھیں قومی سلامتی کے مشیر کی اضافی ذمہ داری بھی دی گئی ہے ۔آپریشن سندورکی کامیابی کے بعد جس میں ہندوستانی فوجیوں نے دہشت گردوں کی پناہ گاہوں کو تباہ کیا ،اجیت ڈوبھال نے امریکہ ،سعودی عرب ،متحدہ عرب امارات اور کئی دیگر ملکوں کے ہم منصبوں کے ساتھ فون پر بات کی اور انھیں بتایاکہ ہندوستان کے فوجیوں نے کسی پاکستانی فوجی تنصیب کو نشانہ نہیں بنایابلکہ دہشت گردوں کے ٹھکانوں کو نیست ونابودکیاہے ۔
جنگ کے ماحول کے درمیان ہندو پاک کے قومی سلامتی کے مشیروں کے مابین پہلارابطہ
