پہلگام یاترا قافلے کی گاڑی چنینی کے قریب حادثے کا شکار، ڈرائیور سمیت پانچ افراد زخمی

محمد تسکین
سرینگر / امرناتھ یاترا کے پہلگام قافلے میں شامل ایک کار بدھ کی صبح جموں سرینگر قومی شاہراہ پر ضلع ادھم پورمیں چنینی کے نزدیک سڑک کے ڈیوائیڈر سے ٹکرا گئی، جس کے نتیجے میں ڈرائیور سمیت پانچ افراد زخمی ہوئے ہیں ۔
اطلاعات کے مطابق کار نمبر HR-40H/6485 کو ہریانہ کے کرنال سے تعلق رکھنے والے ششی کانت ولد پریم چند چلا رہے تھے۔ڈیوائڈر سے کار کی ٹکر اتنی شدید تھی کہ گاڑی کو شدید نقصان پہنچا اور اس میں سوارڈرائیور اور چار دیگر مسافر زخمی ہوگئے۔ زخمی افراد کی شناخت وکاس کمار، رمن کمبوج، سُمیت کمبوج اور دھونی کمار کے طور پر کی گئی ہے۔
حادثے کے فوراً بعد پولیس نے تمام زخمیوں کو ابتدائی طبی امداد کیلئے کیمونٹی ہیلتھ سینٹر چنینی منتقل کیا جہاں ان کی حالت بہتر ہے ۔ پولیس نے واقعے میں ایک کیس درج کرکے مزید تحقیقات شروع کر دی ہے ۔