عظمیٰ ویب ڈیسک
سری نگر/جموں وکشمیر کے وزیر اعلیٰ عمر عبداللہ نے شری گرو نانک جینتی پر لوگوں کو مبارکباد پیش کی۔انہوں نے کہاگرو نانک دیو جی کا سچائی، عاجزی اور خدمت کا پیغام نسلوں کو متاثر کرتا رہے گا۔واضح رہے کہ شری گرو نانک دیو جی سکھ مت کے بانی اور پہلے گرو ہیں۔
عمر عبداللہ نے ان کی جنم جینتی پر لوگوں کو مبارکباد پیش کی۔وزیر اعلیٰ کے دفتر کے ایکس ہینڈل پر ایک پوسٹ میں کہا گیاوزیر اعلیٰ نے گرو نانک دیو جی کی جینتی پر لوگوں کو مبارکباد پیش کی ہے۔انہوں نے کہا کہ گرو نانک دیو جی کا سچائی، عاجزی اور خدمت کا پیغام نسلوں کو متاثر کرتا رہے گا۔دریں اثنا انسپکٹر جنرل آف پولیس (آئی جی پی) کشمیر وی کے بردی نے بھی شری گرو نانک جینتی پر لوگوں کو مبارکباد پیش کی۔انہوں نے دعا کی کہ گرو نانک دیو جی کی تعلیمات ہمیں سچائی، ہمدردی اور امن کی راہ پر گامزن کرتی رہیں۔
