سری نگر-جموں قومی شاہراہ مرمتی کام کے پیش نظر اتوار کو بند رہے گی: ٹریفک حکام

سری نگر// وادی کشمیر کو ملک کے باقی حصوں کے ساتھ جوڑنے والی سری نگر- جموں قومی شاہراہ اتوارکے روز مرمتی کام کے پیش نظر ٹریفک کے لئے بند رہے گی۔
ٹریفک حکام کی طرف سے جاری ایک ایڈوائزری کے مطابق سری نگر جموں شاہراہ پر دلواس کے مقام پر اہم مرمتی کام کے پیش نظر قومی شاہراہ پر 22اکتوبر یعنی اتوار کے روز ٹریفک کی نقل وحمل بند رہے گی۔
ایڈوائزری میں کہا گیا ہے کہ قومی شاہراہ پر کسی بھی گاڑی سوائے میڈیکل ایمر جنسی کے، کو اتوار کی صبح 6 بجے سے دیر شام تک چلنے کی اجازت نہیں ہوگی۔
لوگوں سے کہا گیا ہے کہ وہ اس ٹریفک ایڈوائزری پر عمل کریں۔