ٹرمپ کے ٹیرف کے سامنے مودی کا جھکنا یقینی: راہل

عظمیٰ ویب ڈیسک
نئی دہلی/کانگریس کے سابق صدر اور لوک سبھا میں اپوزیشن لیڈر راہل گاندھی نے وزیر اعظم نریندر مودی پر سخت تنقید کرتے ہوئے کہا کہ وزیر صنعت پیوش گوئل جو بھی دعویٰ کریں، یہ یقینی ہے کہ صدر ڈونالڈ ٹرمپ کی ٹیرف شرائط کے دباؤ کے سامنے مودی جھک جائیں گے۔
گاندھی نے ہفتہ کو سوشل میڈیا پلیٹ فارم ایکس پر ایک پوسٹ میں لکھا کہ پیوش گوئل جتنا چاہے اپنا سینہ پیٹ لیں، لیکن میں جو کچھ کہتا ہوں، اس پر توجہ دیں کہ کیا مودی ٹرمپ کی ٹیرف ڈیڈ لائن کے سامنے جھک جائیں گے۔
کانگریس لیڈر نے گوئل کے بیان پر شائع ایک خبر کا حصہ بھی پوسٹ کی ہے، جس میں وہ دعویٰ کر رہے ہیں کہ ان کی حکومت کے لیے امریکہ کے ساتھ تجارتی بات چیت کے دوران امریکی ٹیرف کی طے شدہ حد سے زیادہ اہم ہندوستان کا مفاد ہے۔
گاندھی کا ردعمل وزیر صنعت کے اس بیان پر آیا ہے، جس میں گوئل نے کہا ہے کہ ہندوستان نے کبھی بھی تجارتی معاہدے یا اس کے کسی حصے پر کسی وقت کی پابندی یا دباؤ میں بات نہیں کی۔ ہم قومی مفادات کو یقینی بنا کر منصفانہ معاہدہ چاہتے ہیں، جس سے ہمیں فائدہ ہوتا رہے گا۔