سرینگر// محکمہ موسمیات نے اگلے 24 گھنٹوں کے دوران وادی کشمیر میں ہلکی سے درمیانی بارش اور جموں صوبہ میں الگ تھلگ مقامات پر ہلکی بارش کی پیش گوئی کی ہے۔
وادی کشمیر کے بیشتر علاقوں میں گزشتہ 24 گھنٹوں کے دوران ہلکی بارش اور تیز ہواؤں نے معمول کی سرگرمیاں متاثر کیں۔
انہوں نے کہا کہ گزشتہ 24 گھنٹوں کے دوران سری نگر میں 3.9 ملی میٹر، قاضی گنڈ میں 0.8 ملی میٹر، پہلگام میں 3.5 ملی میٹر، کپواڑہ میں 5.4 ملی میٹر، گلمرگ میں 10.8 ملی میٹر، بانہال میں 1.0 ملی میٹر، کٹرہ میں 0.4 ملی میٹر اور بھدرواہ میں 0.4 ملی میٹر بارش ہوئی۔
محکمہ موسمیات کی پیش گوئی کے عین مطابق اتوار کی دوپہر کے بعد بکھرے ہوئے مقامات پر بارش ہوئی تاہم اسکی شدت زیادہ نہیں تھی۔
انہوں نے کہا کہ 17اور18 اپریل کے دوران ہلکی سے درمیانی بارش، اور اہم سرگرمیوں کے ساتھ اونچائی پر برف باری کا امکان ہے۔
اس مرحلے کے دوران 20-30 کلومیٹر فی گھنٹہ کی رفتار سے تیز ہواؤں کے ساتھ گرج چمک اور کچھ مقامات پر ژالہ باری کا بھی امکان ہے۔
انہوں نے کہا کہ 17-18 اپریل کو خاص طور پر پہاڑی اور برفباری والے علاقوں میں سطح کی نقل و حمل میں عارضی طور پر خلل پڑنے کا امکان ہے۔
درجہ حرارت کے بارے میں، محکمہ موسمیات ک عہدیدا نے کہا کہ سری نگر میں گزشتہ رات درجہ حرارت 10.9 ڈگری سینٹی گریڈ کے مقابلے میں 10.7 ڈگری سینٹی گریڈ ریکارڈ کیا گیا اور موسم گرما کے دارالحکومت کے لیے یہ معمول سے 2.8 ڈگری سینٹی گریڈ کم تھا۔
انہوں نے کہا کہ قاضی گنڈ میں گزشتہ رات درجہ حرارت 7.8 ڈگری سینٹی گریڈ کے مقابلے میں 8.8 ڈگری سینٹی گریڈ ریکارڈ کیا گیا اور کشمیر کے گیٹ وے ٹاؤن کے لیے یہ معمول سے 2.3 ڈگری سینٹی گریڈ زیادہ تھا۔
انہوں نے کہا کہ پہلگام میں گزشتہ رات 5.2 ڈگری سینٹی گریڈ کے مقابلے میں 5.5 ڈگری سینٹی گریڈ کم سے کم درجہ حرارت ریکارڈ کیا گیا اور یہ جنوبی کشمیر کے ضلع اننت ناگ کے مشہور سیاحتی مقام کے لئے معمول سے 2.1 ڈگری سینٹی گریڈ زیادہ تھا۔
عہدیدار نے بتایا کہ کوکرناگ میں گزشتہ رات 8.6 ڈگری سینٹی گریڈ کے مقابلے میں 8.7 ڈگری سینٹی گریڈ کم سے کم درجہ حرارت ریکارڈ کیا گیا اور یہ اس جگہ کے لئے معمول سے 1.9 ڈگری سینٹی گریڈ زیادہ تھا۔
انہوں نے کہا کہ گلمرگ میں گزشتہ رات درجہ حرارت 3.8 ڈگری سینٹی گریڈ کے مقابلے میں کم سے کم 3.5 ڈگری سینٹی گریڈ ریکارڈ کیا گیا اور یہ شمالی کشمیر کے بارہمولہ ضلع میں دنیا کے مشہور سیاحتی کے لیے معمول سے 1.2 ڈگری سینٹی گریڈ زیادہ تھا۔
انہوں نے کہا کہ کپواڑہ قصبے میں پارہ گزشتہ رات 10.2 ڈگری سینٹی گریڈ کے مقابلے 8.7 ڈگری سینٹی گریڈ رہا اور شمالی کشمیر کے علاقے میں یہ معمول سے 1.9 ڈگری سینٹی گریڈ زیادہ تھا۔
جموں میں کم سے کم درجہ حرارت 25.9 ڈگری سینٹی گریڈ ریکارڈ کیا گیا جو گزشتہ رات 26.0 ڈگری سینٹی گریڈ تھا۔ انہوں نے کہا کہ یہ جموں و کشمیر کے سرمائی دارالحکومت کے لیے معمول سے 6.0 ڈگری سینٹی گریڈ زیادہ تھا۔
