مولانا عباس انصاری انتقال کر گئے

سرینگر//اتحاد المسلمین کے بانی اور چیئرمین مولانا محمد عباس انصاری طویل علالت کے بعد سرینگر کے نواکدل میں واقع اپنی رہائش گاہ پر انتقال کر گئے۔
عباس انصاری کی طبیعت کافی عرصے سے ٹھیک نہیں تھی اور گزشتہ 2 دنوں سے ان کی طبیعت بگڑ گئی تھی۔
خاندانی زرائع کا کہنا تھا کہ آج صبح انہوں نے سرینگر کے نواکدل علاقے میں اپنی رہائش گاہ پر آخری سانس لی۔
ان کا کہنا تھا کہ ان کی نماز جنازہ ظہر کی نماز کے بعد ادا کی جائے گی اور انہیں بابامزار زدی بل میں ان کے آبائی قبرستان میں سپرد خاک کیا جائے گا۔
قابل ذکر بات یہ ہے کہ انصاری کو حال ہی میں سکمز صورہ میں داخل کرایا گیا تھا کیونکہ ان کی طبیعت طویل عرصے سے ٹھیک نہیں تھی۔ نیشنل کانفرنس کے صدر اور رکن پارلیمنٹ ڈاکٹر فاروق عبداللہ اور جموں وکشمیر اپنی پارٹی کے صدر محمد الطاف بخاری نے ان کی عیادت کے لیے ہسپتال کا دورہ بھی کیا تھا۔