منوج سنہا کا دورہ پونچھ، فوج اور بی ایس ایف اہلکاروں سے ملاقات کی

عظمیٰ ویب ڈیسک
سرینگر/جموں و کشمیر کے لیفٹیننٹ گورنر منوج سنہا نے بدھ کو پونچھ بریگیڈ ہیڈ کوارٹر کا دورہ کرکے وہاں تعینات فوج کے جوانوں اور بارڈر سیکورٹی فورس (بی ایس ایف) کے اہلکاروں سے ملاقات کی۔
انہوں نے اس موقع پر اپنے خطاب میں کہا: ‘آج پوری دنیا جانتی ہے کہ بھارتی جوانوں نے پاکستان میں 9 دہشت گرد ٹھکانوں کو تباہ کیا جس میں سو سے زیاد دہشت گرد مارے گئے’۔
انہوں نے کہا: ‘ تین دنوں میں ہی دشمن گھٹنے ٹیک کر دنیا تک پہنچنے لگا،، پورے ملک کو آپ کی بہادری اور بہادری پر ناز ہے’۔
منوج سنہا نے کہا: ‘ ہم دنیا کی پانچویں بڑی معیشت ہیں اور جلد ہی دنیا کی چوتھی بڑی معیشت بن جائیں گے جبکہ ہمارا پڑوسی قرض لے کر دہشت گردی کو پروان چڑھانے کی کوشش کر رہا ہے’۔
انہوں نے اپنے دورہ پونچھ کے دوران گردورہ ننگالی صاحب پر حاضری اور وہاں دعائوں میں شرکت کی۔