منوج سنہا کا این ایس جی کے یوم تاسیس پر اس کے اہلکاروں کو مبارکباد

عظمیٰ ویب ڈیسک
سری نگر/جموں وکشمیر کے لیفٹیننٹ گورنر منوج سنہا نے نیشنل سیکورٹی گارڈ (این ایس جی) کے 41 ویں یوم تاسیس پر اس کے اہلکاروں اور ان کے اہلخانہ کو مبارکباد پیش کی ہے۔انہوں نے کہا فرض کی ادائیگی میں ان کی غیر متزلزل ہمت، لگن اور بے لوث قربانیاں واقعی قابل تعریف ہیں۔واضح رہے کہ نیشنل سیکورٹی گارڈ کا قیام 1986 میں عمل میں لایا گیا تھا۔ یہ بلیک کیٹ کمانڈو یونٹ، ہندوستان کی وفاقی ہنگامی زیرو ایرر فورس کے طور پر کام کرتا ہے۔
منوج سنہا نے اس کمانڈو یونٹ کے اہلکاروں اور ان کے اہلخانہ کو یوم تاسیس پر مبارکباد پیش کی۔انہوں نے ایکس پر اپنے ایک پوسٹ میں کہامیں این ایس جی کے یوم تاسیس پر اس کے تمام اہلکاروں اور ان کے اہلخانہ کو مبارکباد پیش کرتا ہوں۔ان کا کہنا تھا کہ فرض کی ادائیگی میں ان کی غیر متزلزل ہمت، لگن اور بے لوث قربانیاں واقعی قابل تعریف ہیں۔انہوں نے پوسٹ میں مزید کہا: ‘میں این ایس جی کے بہادر جوانوں کو سلام پیش کرتا ہوں جنہوں نے ملک کی خودمختاری کی حفاظت کرتے ہوئے اپنی جانوں کا نذرانہ پیش کیا۔