سرینگر میں ذہنی معذور شخص جہلم میں کود گیا، تلاش شروع

سرینگر//سرینگر میں دماغی طور معذور شخص کے دریائے جہلم میں چھلانگ لگانے کی جانکاری ملنے کے بعد ایس ڈی آر ایف نے تلاشی آپریشن شروع کردیاگیاہے ۔
زرائع کے مطابق،25دسمبر کورامباغ سرینگر کے علاقے سے ایک دماغی طور معذور ستر سالہ شخص غلام محمد گھرسے نکلنے کے بعد لاپتہ ہوگیا۔لواحقین نے ا سے ہرممکنہ جگہ پرتلاش کیاتاہم ا سکا کوئی سراغ نہیں ملا۔جس کے بعد پولیس میں گمشدگی کی رپورٹ درج کرائی گئی ۔
اُنہوں نے کہا کہ متعلقہ شخص نے پر اسرار طور پر 25اور 26 دسمبر کی درمیانی شب دریائے جہلم میں چھلانگ لگا دی۔ جس کی سی سی ٹی وی ویڈیو منظرعام پرآنے کے بعدآج مذکورہ شخص کی تلاش شروع کر دی گئی۔
پولیس نے ایس ڈی آر ایف کواس بارے میں جانکاری فراہم کی ۔ایس ڈی آر ایف نے جانکاری ملنے کے بعدامدادی کارروائی شروع کردی ۔
ادھر شمالی ضلع بارہمولہ میں گزشتہ تین ہفتوں کے دوران دو لڑکیوں نے مبینہ طور پر جہلم میں کود کر خودکشی کی ہے، جن میں سے تاحال کسی بھی لاش برآمد نہیں کی جا سکی ہے۔