سید زاہد
راجوری// ضلع ریاسی کی تحصیل مہور میں گھاس کاٹنے کے دوران اونچائی سے کھائی میں گرکر ایک شخص کی موت واقع ہو گئی۔
پولیس ذرائع نے بتایا کہ مہور کے جنگلاتی علاقے میں ایک شخص گھاس کاٹ رہا تھا، جس دوران پھسل کر گہری کھائی میں جا گرا۔
اُنہوں نے بتایا کہ زخمی کو فوری طور پر ہسپتال لے جایا گیا جہاں ڈاکٹروں نے اسے مردہ قرار دے دیا۔
متوفی کی شناخت منظور احمد لوہار ولد محمد عبداللہ لوہار ساکن لوئی پورہ دیول مہور کے بطور ہوئی۔
اس سلسلے میں پولیس نے قانون کی متعلقہ دفعات کے تحت مقدمہ درج کر لیا ہے۔
