جموں میں جعلی تقرری نامے جاری کر کے نوکری کے خواہشمند نوجوانوں کو دھوکہ دینے والا شخص گرفتار

عظمیٰ ویب ڈیسک
سرینگر/پولیس نے جموں میں ایک شخص کو گرفتار کیا ہے جو سرکاری نوکری کے خواہشمند نوجوانوں کو جعلی تقرری نامے جاری کر کے دھوکہ دے رہا تھا۔
پولیس ترجمان کے مطابق، تیج بھوشن شرما، جو لورگاڈی گڑھ کا رہائشی ہے، کو میراں صاحب کے علاقے سے گرفتار کیا گیا۔ اس کے قبضے سے متعدد جعلی تقرری نامے، جعلی مہریں، الیکٹرانک آلات (جس میں کمپیوٹر بھی شامل ہے) اور ڈھائی لاکھ روپے نقد برآمد کیے گئے۔
شرما کی گرفتاری 2 مئی کو درج کی گئی ایک شکایت کے بعد عمل میں آئی، جس میں الزام لگایا گیا تھا کہ اس نے کئی نوکری کے خواہشمند نوجوانوں کو جعلی تقرری نامے دے کر دھوکہ دیا ہے۔