عظمیٰ ویب ڈیسک

کشتواڑ// ضلع کشتواڑ ضلع میں توہینِ مذہب عمل میں ملوث ایک شخص کو پبلک سیفٹی ایکٹ کے تحت گرفتار کیا گیا۔
سینئر سپرنٹنڈنٹ آف پولیس عبدالقیوم نے بتایا کہ ضلع مجسٹریٹ کے حکم پر شیر محمد کے خلاف پبلک سیفٹی ایکٹ (پی ایس اے) کے تحت مقدمہ درج کیا گیا اور جموں کی کوٹ بھلوال جیل میں بند کر دیا گیا۔
افسر نے توہین آمیز کاروائیوں اور گائے کے سمگلروں میں ملوث افراد کو ایک سخت انتباہ جاری کیا، اس بات پر زور دیا کہ جو بھی اس طرح کی سرگرمیوں میں ملوث پایا گیا اسے “قانونی کاروائیوں” کا سامنا کرنا پڑے گا۔
انہوں نے کہا کہ پولیس فرقہ وارانہ ہم آہنگی کو برقرار رکھنے اور تمام رہائشیوں کی حفاظت اور سلامتی کو یقینی بنانے کے اپنے عزم کا اعادہ کرتی ہے۔
انہوں نے مزید کہا کہ “امن اور امن عامہ میں رخنہ ڈالنے والے اقدامات کو برداشت نہیں کیا جائے گا اور ایسے جرائم کے مرتکب افراد کے خلاف سخت کارروائی کی جائے گی”۔
قیوم نے تمام رہائشیوں سے پرسکون رہنے اور پولیس کے ساتھ تعاون کرنے کی بھی اپیل کی۔
انہوں نے کہا، “کسی بھی معلومات یا مشکوک سرگرمی کی اطلاع قریبی پولیس تھانہ کو دی جانی چاہئے تاکہ امن و امان کو برقرار رکھنے میں مدد ملے”۔