یو این آئی

نئی دہلی// وزیر اعظم نریندر مودی نے جمعہ کو کانگریس صدر ملک ارجن کھڑگے کے ان الزامات پر جوابی حملہ کیا کہ انتخابات جیتنے کے لیے عوام سے ‘ناممکن وعدے’ کرنا عام لوگوں کے ساتھ ‘خوفناک دھوکہ’ ہے۔
مسٹر مودی نے ٹویٹر پر اپنی پوسٹ میں لکھا، “کانگریس پارٹی اچھی طرح سمجھتی ہے کہ جھوٹے وعدے کرنا آسان ہے لیکن انہیں صحیح طریقے سے نافذ کرنا مشکل یا ناممکن ہے۔ انتخابی مہم میں وہ عوام سے ایسے وعدے کرتے ہیں جو جانتے ہیں کہ وہ کبھی پورا نہیں کر پائیں گے۔ اب وہ لوگوں کے سامنے بری طرح بے نقاب ہو چکے ہیں۔
انہوں نے کہا، ’’کسی بھی ریاست کو دیکھیں جہاں کانگریس آج اقتدار میں ہے – ہماچل پردیش، کرناٹک اور تلنگانہ۔ ان ریاستوں میں ترقیاتی سرگرمیوں اور سرکاری فنڈز کی حالت بد سے بدتر ہوتی جارہی ہے۔ ان کی نام نہاد گارنٹی ادھوری پڑی ہے جو کہ ان ریاستوں کے عوام کے ساتھ ایک خوفناک دھوکہ ہے۔ اس طرح کی سیاست کا شکار غریب، نوجوان، کسان اور خواتین ہیں، جو ان وعدوں کے ثمرات سے نہ صرف محروم ہیں، بلکہ ان کے لیے پہلے سے چلائی جانے والی سکیمیں بھی کمزور پڑ جاتی ہیں۔