لیفٹنٹ گورنر منوج سنہا کا بالتل اور امرناتھ کا دورہ، انتظامات کا جائز ہ لیا

غلام نبی رینہ
کنگن/ لیفٹیننٹ گورنر منوج سنہا نے بالتل اور امرناتھ کا دورہ کرکے سالانہ امرناتھ یاترا کے سلسلے میں انتظامات کا جائزہ لیا۔ 3جولائی کو شروع ہورہی سالانہ امرناتھ یاترا کے سلسلے میں آج لیفٹیننٹ گورنر منوج سنہا نے بالتل بیس کیمپ کا دورہ کرکے انتظامات کا جائزہ لیا ۔اس دوران اِن کے ہمراہ ضلع ترقیاتی کمشنر گاندربل ،ضلع ترقیاتی کمشنر اننت ناگ ،ڈی جی بی آر او ،شرائن بورڈ کے افسران ،ایس ایس پی گاندربل کے علاوہ دیگر افسران بھی تھے۔
گورنر موصوف نے سالانہ امرناتھ یاترا کے سلسلے میں انتظامات کا جائزہ لیا ۔انہوں نے افسران کو ہدایت دی کہ یاترا شروع ہونے سے قبل اپنی تیاریاں مکمل کرے تاکہ یاتریوں کو کسی طرح کے مشکلات کا سامنا نہ کرنا پڑے ۔
لیفٹیننٹ گورنر منوج سنہا منگلوار کو سونمرگ پہنچے تھے جہاں پر انہوں نے ہوٹلرس، مارکیٹ ایسوشیشن، پونی والوں اور اسٹیک ہولڈرز کے ساتھ میٹنگ کی اور رات کو سومرگ میں قیام کرنے کے بعد آج بالتل روانہ ہوئے جہاں پر انہوں نے افسران کے ساتھ ایک میٹنگ منعقد کی۔