ایل جی سنہا کا کھیر بھوانی مندر کا دورہ

عظمیٰ ویب ڈیسک
سرینگر/لیفٹیننٹ گورنر منوج سنہا نے منگل کے روز تولہ مولہ، گاندربل میں واقع مقدس ماتا کھیر بھوانی مندر کا دورہ کیا۔لیفٹیننٹ گورنر نے مندر میں حاضری دی اور تمام شہریوں کی امن، خوشحالی، خوشی اور فلاح و بہبود کے لیے دعائیں کیں۔
اپنے دورے کے دوران، لیفٹیننٹ گورنر سنہا نےعقیدت مندوں سے ملاقات کی اور ان کو اس مبارک دن کی دلی مبارکباد پیش کی۔ انہوں نے اس دن کی روحانی اہمیت کو تسلیم کرتے ہوئے کشمیری پنڈت برادری اور دیگر زائرین کے جذبات کا احترام کیا جو بڑی تعداد میں مندر میں جمع ہوئے تھے۔
ہزاروں عقیدت مندوں نے اس سالانہ تقریب کے موقع پر مندر کا رخ کیا، جو جموں و کشمیر میں گہری ثقافتی اور مذہبی اہمیت رکھتی ہے۔ ــــ