منوج سنہا کا دہلی ریلوے اسٹیشن بھگدڑ واقعے پر اظہار غم

عظمیٰ ویب ڈیسک
سری نگر/ جموں وکشمیر کے لیفٹیننٹ گورنر منوج سنہا نے دہلی ریلوے اسٹیشن پر بھگدڑ مچنے کے نتیجے میں ہوئی انسانی جانوں کے زیاں پر گہرے دکھ کا اظہار کیا ہے۔انہوں نے اس واقعے میں زخمی ہونے والوں کی جلد صحتیابی کے لئے دعا کی۔
بتادیں کہ دہلی ریلوے اسٹیشن پر ہفتے اور اتوار کی درمیانی شب بھگدڑ کے واقعے میں 15 افراد کی موت واقع ہوئی ہے۔منوج سنہا نے اس واقع پر اظہار افسوس کرتے ہوئے اتوار کی صبح ‘ایکس’ پر اپنے ایک پوسٹ میں کہا: ‘دہلی ریلوے اسٹیشن پر بھگدڑ کے واقعے میں انسانی جانوں کے زیاں سے صدمہ ہوا’۔انہوں نے کہا: ‘میرے خیالات سوگوار خاندانوں کے ساتھ ہیں’۔منوج سنہا نے اس واقعے میں زخمی ہونے والوں کی جلد صحتیابی کے لئے دعا کی۔