شمالی کشمیر میں لشکر طیبہ کا جنگجو معان کار گرفتار: پولیس

File Photo

بارہمولہ// جموں و کشمیر پولیس نے جمعرات کو شمالی کشمیر کے بارہمولہ ضلع کے سوپور علاقے میں لشکر طیبہ تنظیم کے ایک جنگجو معاون کار کو گرفتار کرنے کا دعویٰ کیا ہے۔
خبر رساں ایجنسی کشمیر نیوز آبزرور ( کے این او) نے پولیس ذرائع کے حوالے سے بتایا کہ جنگجو معاون کار کو سوپور کے پیٹھ سیر علاقے میں ریلوے سٹیشن کے قریب ایک مشترکہ محاصرے اور تلاشی کی کارروائی کے دوران گرفتار کیا گیا۔
گرفتار کی شناخت عمر بشیر بٹ ولد بشیر احمد بٹ ساکن منز سیر کے طور پر ہوئی ہے۔
انہوں نے کہا کہ اس کی ذاتی تلاشی کے دوران اس کے پاس سے ایک ہینڈ گرنیڈ، پستول، پستول میگزین، 15 پستول کے لائیو راوندز اور ایک موبائل فون سم کارڈ کے ساتھ برآمد ہوا۔
پولیس عہدیدار نے بتایا کہ پولیس سٹیشن امرگرہ میں قانون کی متعلقہ دفعات کے تحت مقدمہ درج کر کے مزید تفتیش شروع کر دی گئی ہے۔